აკრედიტებულ ცენტრებში გაზზე მომუშავე ავტომობილების შემოწმების მსურველების რიცხვი მნიშვნელოვნად გაიზარდა
ბოლო დღეების განმავლობაში გაზზე მომუშავე ავტომობილების ტექდათვალიერების ცენტრებში მიმართვამ ერთბაშად იმატა.
ინსპექტირების დასრულების ბოლო ვადა 2018 წლის პირველი იანვარია. აირბალონიანი ავტომობილების შემოწმებას ამ დრომდე საქართელოში ორი აკრედიტირებული მოქმედი კომპანია ახორციელებს. ერთი - თბილისში, ერთი კი რუსთავშია განთავსებული. როგორც შპს აირბალონში აცხადებენ, მძღოლები მხოლოდ ასქულიანი საჯარიმო სისტემის შესახებ გავრცელებული ინფორმაციის შემდეგ გააქტიურდნენ. ნონა ქართველიშვილი თქმით, დაბალი აქტიურობის ერთ-ერთი მთავარი მიზეზი სახელმწიფოს მხრიდან არაერთგზის შეცვლილი ვადები იყო.
ტრანსპორტისა და გზების ასოციაციის ხელმძღვანელის თქმით, შსს-ს გადაწყვეტილება, რომლის მიხედვითაც ტექდათვალიერების ამოქმედებამდე მძღოლებს ქულები არ ჩამოაკლდებათ, მისასალმებელია. თუმცა დავით მესხიშვილის განმარტებით, აირბალონიანი ატომობილების შემოწმების ტემპები არადამაკმაყოფილებელია.
იხილეთ ვიდეო PALITRANEWS-ზე