საირმემდე მისასვლელ გზაზე მეწყერი ჩამოწვა
გადაუღებელმა წვიმებმა ბაღდათის მუნიციპალიტეტში პრობლემები შექმნა.უამინდობის შედეგად კურორტ საირმემდე მისასვლელ გზაზე მეწყერი ჩამოწვა.
ადგილობრივების თქმით, უდაბნოს სახელით ცნობილ გზის მონაკვეთზე, რომელიც კურორტ საირმემდე დაახლოებით ხუთ კილომეტრში მდებარეობს, დღეს მეწყერი ჩამოწვა, თუმცა მას სერიოზული პრობლემები არ შეუქმნია.
ადგილზე გზის გაწმენდითი სამუშაოები მიმდინარეობს.