დედაქალაქს დამატებით 8 ახალი დასუფთავების მანქანა მოემსახურება
დედაქალაქს ხვალიდან დასუფთავებისათვის განკუთვნილი 8 ახალი სპეციალური ტექნიკა მოემსახურება. როგორც თბილისის მერიიდან იუწყებიან, „თბილსერვის ჯგუფმა“ 29 ერთეული ნაგავმზიდი მანქანა 2017 წლის დასაწყისში შეიძინა, რომლის მოწოდებაც ეტაპობრივად განხორციელდა.
ახალი ნაგავმზიდი მანქანები, რომლებიც დედაქალაქის მასშტაბით განთავსებული ნაგავშემკრები კონტეინერების დასაცლელად გამოიყენება, მოძველებულ და მწყობრიდან გამოსულ ტექნიკას ჩაანაცვლებს.