პროგრამული ხარვეზის გამო, თბილისის საერთაშორისო აეროპორტიდან ღამის განმავლობაში 8 ავიარესი დაგვიანებით შესრულდა
პროგრამული ხარვეზის გამო, თბილისის საერთაშორისო აეროპორტიდან ღამის განმავლობაში, 22-დან 8 ავიარესი დაგვიანებით შესრულდა.
როგორც თბილისის საერთაშორისო აეროპორტის საზოგადოებასთან ურთიერთობის სამსახურში განაცხადეს, პრობლემა შეექმნა ელექტრონულ სარეგისტრაციო პროგრამას, თუმცა მის აღმოფხვრაზე მუშაობა უკვე მიმდინარეობს.
მათივე ცნობით, დაგვიანებით შესრულდა 8 ავიარეისი, კერძოდ: ათენის, ანტალიის, ვარშავის, კიევის, დუბაის, შარჟას, ასევე სტამბოლის მიმართულებით ორი ავიარესი.
როგორც აეროპორტში განმარტავენ, არცერთი ავიარეისი არ გაუქმებულა.
”აეროპორტში გაიხსნა ახალი ტერმინალი, მიმდინარეობს პროგრამების გადაწყობა. ამასთან, ორ ტერმინალზე ხორციელდება საოპერაციო მზაობის და შეცვლის პროცესი. ხარვეზი ნაწილობრივ სწორედ ამით იყო გამოწვეული”, - განმარტავენ აეროპორტში.