„ჯემ ფესტზე“ დასაქმებულები ანაზღაურების მიღების მოთხოვნით აქციას მართავენ
"ჯემ ფესტზე“ დასაქმებულები საპროტესტო აქციას მართავენ. აქციის მონაწილეების თქმით, ორგანიზატორებმა კუთვნილი ანაზღაურება არ გადაუხადეს.
ისინი ფესტივალის ტერიტორიაზე მოქალაქეებს არ უშვებენ და მთავარ შესასვლელთან არიან შეკრებილი.
„საერთო ჯამში, საუბარია 42 ადამიანზე. ეს ის ადამიანები არიან, რომლებიც ბილეთების კონტროლზე ვიყავით დასაქმებული. 500 ლარზე ვიყავით შეთანხმებული და დღეს 100 ლარი დაარიგეს. ჩვენ აქ ვდგავართ დილიდან და არავის არ შევუშვებთ ამ ტერიტორიაზე, სანამ არ შეასრულებენ ჩვენს მოთხოვნას“, - აცხადებენ აქციის მონაწილეები.