მიმდინარე წლის ივნისის მონაცემებით, კომერციული ბანკების მიერ დასაკუთრებულმა ქონებამ 168.9 მილიონი ლარი შეადგინა.
ეს ციფრი წინა წლის ანალოგიურ პერიოდთან შედარებით 28.5 მილიონი ლარით მეტია. კერძოდ, 2016 წლის იანვარი-ივნისის პერიოდში კომერციული ბანკების მიერ დასაკუთრებულმა ქონებამ 140.4 მილიონი ლარი შეადგინა.
ამასთან, საანგარიშო პერიოდში კომერციულმა ბანკებმა 14.4 მილიონი ლარის ვადაგადაცილებული სესხები ამოიღეს; მაშინ როცა გასული წლის ანალოგიურ პერიოდში ეს მონაცემი 6.8 მილიონი ლარი იყო.
როგორც ეროვნული ბანკის საფინანსო სექტორის მიმოხილვაში ვკითხულობთ, ბანკების მიერ ჩამოწერილმა სესხებმა 2017 წლის 1-ელ ექვს თვეში 21.5 მილიონი ლარი შეადგინა.