საბაჟო გამშვები პუნქტი „ყაზბეგი“, საგანგებო მდგომარეობის გამო, დროებით მუშაობას წყვეტს

საბაჟო გამშვებ პუნქტში „ყაზბეგი“, თანამშრომლებისა და ხალხის ევაკუაცია განხორციელდა.

ამის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს. როგორც უწყებაში განმარტეს, საბაჟო გამშვებმა პუნქტმა საგანგებო მდგომარეობის გამო, დროებით მუშაობა შეწყვიტა.

„დარიალის ხეობაში არსებული რთული მეტეოროლოგიური ვითარებიდან გამომდინარე შექმნილი საგანგებო სიტუაციის გამო, პრობლემის აღმოფხვრამდე, საბაჟო გამშვები პუნქტი „ყაზბეგი“ დროებით წყვეტს მუშაობას. ფინანსთა სამინისტროს შემოსავლების სამსახურის საბაჟო გამშვებ პუნქტში „ყაზბეგი“, თანამშრომლებისა და ხალხის ევაკუაცია განხორციელდა“, - აცხადებენ შემოსავლების სამსახურში.