ივლისში კომერციული ბანკების მთლიანი აქტივები 0.3 მილიარდი ლარით გაიზარდა
ივლისში კომერციული ბანკების მთლიანმა აქტივებმა 30.5 მილიარდი ლარი შეადგინა.
შესაბამისად, ივნისთან შედარებით, მთლიანი აქტივები (მიმდინარე ფასებში) 0.3 მილიარდი ლარით, ანუ 0.8%-ით (გაცვლითი კურსის ეფექტის გარეშე 1.0 პროცენტით) არის გაზრდილი.
ამის შესახებ ინფორმაციას, ეროვნული ბანკი ავრცელებს. მათივე ცნობით, მიმდინარე წლის 1-ლი აგვისტოს მდგომარეობით, საქართველოს საბანკო სექტორი 16 კომერციული ბანკითაა წარმოდგენილი; მათ შორის 15 - საწესდებო კაპიტალში უცხოური კაპიტალის მონაწილეობით.
სებ-ის ინფორმაციით, საბანკო სექტორის საკუთარი სახსრები 4.1 მილიარდ ლარს შეადგენს, რაც კომერციული ბანკების მთლიანი აქტივების 13.4%-ია.