თბილისში ერთ-ერთ  გაზგასამართ სადგურზე აფეთქება მოხდა

თბილისში, ქინძმარაულის ქუჩაზე, გაზგასამართ სადგურზე აფეთქების შედეგად სამი ადამიანი დაშავდა. როგორც საგანგებო სიტუაციების მართვის სააგენტოში განაცხადეს, გაზგასამართ სადგურზე აფეთქდა ხელსაწყო, რომელშიც წნევა გროვდება.

მათი ინფორმაციით, ადგილზე ხუთი სახანძრო-სამშველო ჯგუფი მუშაობდა და ცეცხლი ამ დროისთვის ლიკვიდირებულია.

როგორც სასწრაფო სამედიცინო დახმარების ცენტრში აცხადებენ, სამი დაშავებულიდან ერთმა საავადმყოფოში გადაყვანაზე უარი თქვა. ორი მათგანი კი დამწვრობის ცენტრშია გადაყვანილი.