ყველა უბნის მონაცემებით, თბილისის მერის არჩევნებში 51,12 %-ით პირველ ადგილზე კახა კალაძე, 17,49 %-ით მეორეზე კი - ალეკო ელისაშვილი გავიდა

ცენტრალური საარჩევნო კომისიის წინასწარი მონაცემებით, თბილისის მერის არჩევნებში 51,12%-ით „ქართული ოცნების“ კანდიდატი კახა კალაძე პირველ ადგილზე, 17,49 %-ით კი მეორე ადგილზე დამოუკიდებელი კანდიდატი ალექსანდრე ელისაშვილი გავიდა.

ცესკომ 737-ვე უბნის მონაცემების დათვლა უკვე დაასრულდა.

დედაქალაქის მერის არჩევნებში კანდიდატთა ხმები შემდეგნაირად ნაწილდება:

ელენე ხოშტარია - 7,12 %; კახა კუკავა - 1,26 %; ზაალ უდუმაშვილი - 16,55 %; ირმა ინაშვილი - 3,02 %; გიორგი გუგავა - 0,96 %; დავით შუკაკიძე - 0,05 %; გიორგი ლილუაშვილი - 0,09 %; ნიკოლოზ სანებლიძე - 0,05 %; თენგიზ შერგელაშვილი - 0,25 %; გიორგი ვაშაძე - 1,95 %; ლაშა სტურუა - 0,1 %; კახა კალაძე - 51,12 %; ალექსანდრე ელისაშვილი - 17,49 %.