დემნა გვასალია ბრიტანული მოდის პრესტიჟულ ჯილდოებზეა წარდგენილი

ქართველი დიზაინერი დემნა გვასალია, რომელიც ცნობილი ფრანგული მოდის სახლის, Balenciaga-ს კრეატიული ხელმძღვანელი და ურბანული ბრენდ Vetements-ის დამფუძნებელი გახლავთ, ბრიტანულ ყოველწლიურ პრესტიჟულ დაჯილდოებაზე British Fashion Council's 2017 Fashion Awards-ზე რამდენიმე ნომინაციაზეა წარდგენილი.

მათ შორის, წლის უბრანული ბრენდის კატეგორიაში მონაწილეობს მის მიერ 2009 წელს დაარსებული ბრენდი Vetements. ის ასევე ნომინირებულია წლის აქსესუარების დიზაინერის კატეგორიაში ბრენდისთვის Balenciaga. დემნა გვასალიას Vetements-ის კონკურენტები ურბანული ბრენდის ნომინაციაში არიან ისეთი ტრენდული ბრენდები, როგორიცაა FENTY PUMA by Rihanna და Supreme, რაც შეეხება აქსესუარების კატეგორიას, აქ „გუჩის“, „ივ სენ ლორანისა“ და „ლოუის“ დიზაინერები ჰყავს მეტოქეებად. წლის ბიზნეს ლიდერის ნომინაციაში კი დემნა გვასალიას ძმა, გურამ გვასალიაა ნომინირებული ბრენდისთვის Vetements, რომელსაც ის დემნასთან ერთად ფლობს.

ამ პრესტიჟულ დაჯილდოებაზე სხვა ნომინაციებიცაა, მათ შორის დიდ ინტერესს იწვევს წლის მოდელის ნომინაცია, სადაც წელს პირველად მოხვდა ლეგენდარული სინდი კროუფორდის 16 წლის ქალიშვილი, კაია გერბერი, რომელსაც ამ ჯილდოსთვის კონკურენციას უწევენ ჯიჯი და ბელა ჰადიდები.

bpn

წლევანდელი დაჯილდოების ცერემონია 4 დეკემბერს „როიალ ალბერტ ჰოლში“ ლონდონში გაიმართება.

წარმოგიდგნეთ ნომინაციების ნაწილს:

წლის ურბანული მდიდრული ბრენდი

FENTY PUMA by Rihanna

Gosha Rubchinskiy

Off-White

Supreme

Vetements

წლის აქსესუარების დიზაინერი

ალესანდრო მიშელ - Gucci

ენტონი ვაკარელო - Saint Laurent

დემნა გვასალია - Balenciaga

ჯონათან ანდერსონი - Loewe

სტიუარტ ვევერსი - Coach

წლის მოდელი

ადვოა აბოა

ბელა ჰადიდი

ჯიჯი ჰადიდი

კაია გერბერი

ვინი ჰარლოუ

წლის დიზაინერი

ალესანდრო მიშელი - Gucci

ჯონათან ანდერსონი - Loewe

მარია გრაცია ჩიური - Dior

ფოებე ფილო - Céline

რაფ საიმონსი - Calvin Klein

ბიზნეს ლიდერი

ადრიან ჟოფე - Dover Street Market

გურამ გვასალია - Vetements

ჯოზე ნევესი - Farfetch

მარიო ბიზარი - Gucci

რუთიდა ტომ ჩამპმანი - Matchesfashion.com

კოკა კვირკველია