ლიფტს 95-ე სართულზე ასასვლელად სულ რაღაც 45 წამი დასჭირდება
კომპანია Hitachi მსოფლიოში ყველაზე სწრაფი ლიფტის აგებას გეგმავს, რომელიც 72 კმ/სთ სიჩქარით იმოძრავებს. როგორც პროექტის წარმომადგენლები აცხადებენ, შედეგად, 95-ე სართულზე ასასვლელად სულ რაღაც 45 წამი იქნება საჭირო. ლიფტი ჩინეთის ქალაქ გუანჩჟოუს ერთ-ერთ ცათამბჯენში დამონტაჟდება, სადაც ფინანსური ცენტრი უნდა განთავსდეს.
როგორც Hitachi-ს წარმომადგენლები აცხადებენ, მიუხედავად ასეთი სისწრაფისა, მგზავრები რაიმე დისკომფორტს არ იგრძნობენ. მთლიანად, ცათამბჯენში 95 ლიფტი დამონტაჟდება, აქედან 2 უსწრაფესი იქნება.
მოსალოდნელია, რომ ცათამბჯენის მშენებლობა 2016 წლისთვის დასრულდება.
ამჟამად მსოფლიოში ყველაზე სწრაფ ლიფტად ტაივანში მდებარე ცათამბჯენ "ტაიბეი 101"-ში მდებარე ლიფტი მიიჩნევა. მისი სიჩქარე 60.6 კმ/სთ-ს აღწევს.
დასავლეთ ევროპაში კი ყველაზე სწრაფი ლიფტი ლონდონის ცათამბჯენ Shard-ში მდებარეობს. ის წუთში 360 მეტრს ფარავს.