"მარტო ავტომობილების ტექნიკური დათვალიერებით ვერ წავალთ შორს, ამას სჭირდება კომპლექსური მიდგომა"
მარტო ავტომობილების ტექნიკური დათვალიერებით ვერ წავალთ შორს, ამას სჭირდება კომპლექსური მიდგომა, - ამის შესახებ თბილისის მერმა, კახა კალაძემ დედაქალაქში არსებული ეკოლოგიური პრობლემების საკითხზე დასმული კითხვის საპასუხოდ განაცხადა.
მისივე თქმით, არსებობს დედაქალაქის მთავრობის მიერ შემუშავებული კომპლექსური მიდგომა, თუმცა, მიუხედავად პოლიტიკური ნებისა, საჭიროა რიგითი მოქალაქეების მზაობა, რათა დედაქალაქის წინაშე არსებული პრობლემები მოგვარდეს.
„მარტო ავტომობილების ტექნიკური დათვალიერებით ვერ წავალთ შორს, ამას სჭირდება კომპლექსური მიდგომა, შეიძლება საკმაოდ მტკივნეული ნაბიჯების გადადგმაც მოგვიწიოს, მაგრამ აქ ყველა უნდა გავერთიანდეთ. ყველანი ჩვენი შვილებითა და ოჯახებით ვცხოვრობთ ამ ქალაქში, შესაბამისად, ქალაქში იყოს ჯანსაღი გარემო, არის მნიშვნელოვანი. საჭიროა პარკების მოწესრიგება, ახალი რეკრეაციული ზომები, სკვერების რეაბილიტაცია და ა.შ.“ - განაცხადა კახა კალაძემ.