6 თვეში უკონტაქტო პატრულირების შედეგად თბილისში 5 418 ჯარიმაა დაწერილი

2017 წლის 1-ელი ივლისიდან 2018 წლის 1-ელ იანვრამდე უკონტაქტო პატრულირების შედეგად თბილისში 5 418 ჯარიმაა დაწერილი , - ამის შესახებ ნათქვამია შინაგან საქმეთა სამინისტროს მიერ Allnews.ge-სთვის მიწოდებულ ინფორმაციაში.

რაც შეეხება რეგიონებს, უწყების ინფორმაციით, აჭარის რეგიონში 3041, ხოლო იმერეთის რეგიონში - 3 657 საჯარიმო ქვითარი გამოიწერა.

შეგახსენებთ, საგზაო კანონმდებლობაში შეტანილი ცვლილებების თანახმად, უკონტაქტო პატრულირება, ქვეყნის მასშტაბით 1-ელი ივლისიდან გზის გარკვეულ მონაკვეთებზე ამოქმედდა. მძღოლს უკონტაქტო პატრულირების ზონაში შესვლამდე, შესაბამისი მანიშნებელი ხვდება, რომელიც მას აფრთხილებს, რომ ის უკონტაქტო პატრულირების ზონაში შედის. იხილეთ სრული ვერსია