"გაზპრომი" მსოფლიოში ყველაზე მომგებიანი კომპანიების სამეულში აღარ არის
Forbes-მა თავის მე-11 Global 2000-ის ყოველწლიურ ცერემონიაზე მსოფლიოში ყველაზე მომგებიანი კომპანიები დაასახელა.
რეიტინგში პირველი-მეორე ადგილი ამერიკულმა იპოთეკურმა სააგენტოებმა - Fannie Mae და Freddie Mac-მა, ხოლო მესამე ადგილი ჩინურმა ICBC ბანკმა დაიკავა. რუსული გაზპრომი კი ყველაზე მომგებიანი კომპანიების რეიტინგში მეოთხე პოზიციაზე მოხვდა.
რაც შეეხება საერთო რეიტინგს, აქ მსოფლიოს უმსხვილესი 2000 კორპორაციას შორის ”გაზპრომი” 21-ე ადგილზეა. გასულ წელს რუსული კომპანია მე-17 ადგილზე იყო.
მთლიანობაში, ერთი წლის მანძილზე 2 000 უმსხვილესი კორპორაციის კაპიტალიზაცია 13%-ით გაიზარდა და 44 ტრილიონი დოლარი შეადგინა. რაც შეეხება რეიტინგში მოხვედრილი კორპორაციების აქტივების საერთო მოცულობას, ის 161 ტრილიონ დოლარს აღწევს.