საქართველო „ცხოვრებისთვის საუკეთესო ქვეყნების“ რეიტინგში 70-ე ადგილზეა

გაერომ „ადამიანების განვითარების კვლევა“ (Human Development Report) წარმოადგინა, რომელიც ქვეყნების რანჟირებას იმის მიხედვით ადგენს, თუ რამდენ ხანს და რამდენად ჯანმრთელად ცხოვრობენ ამა თუ იმ ქვეყნებში ადამიანები.

ასევე გათვალისწინებულია ფინანსური შემოსავლები, განათლების ხარისხი, ცხოვრების დანახარჯები, გენდერული თანასწორობა და სხვა კრიტერიუმები.

შესაბამისად, აღნიშნული კვლევას მეორენაირად „ცხოვრებისთვის საუკეთესო ქვეყნების“ რეიტინგი ჰქვია.

ჩამონათვალში მსოფლიოს 200-მდე ქვეყანაა შესული, სადაც საქართველო 70-ე ადგილზეა და უსწრებს ირანი, თუმცა ჩვენს შემდეგაა თურქეთი. რეიტინგში ჩვენზე წინ არიან ყაზახეთი, ბელორუსი, რუსეთი და ბალტიისპირეთის ქვეყნები, ხოლო სხვა დანარჩენი პოსტსაბჭოთა ქვეყნები ჩვენზე დაბალ პოზიციებზე განლაგდნენ.

აღსანიშნავია, რომ საქართველოს რეიტინგში 0.769 ქულა აქვს მინიჭებული. რაც შეეხება გაეროს კვლევის ლიდერ ქვეყანას, ის ნორვეგიაა 0.949 ქულით.

ტოპ-ოცეული ასე გამოიყურება.

1 - ნორვეგია 0.949

2 - ავსტრალია 0.939

3 - შვეიცარია 0.939

4 - გერმანია 0.926

5 - დანია 0.925

6 - სინგაპური 0.925

7 - ნიდერლანდები 0.924

8  - ირლანდია 0.923

9 - ისლანდია 0.921

10  -კანადა 0.920

11 - აშშ 0.920

12 - ჰონგ-კონგი, ჩინეთი 0.917

13 - ახალი ზელანდია 0.915

14 - შვედეთი 0.913

15 - ლიხტენშტაინი 0.912

16 - დიდი ბრიტანეთი0.909

17 - იაპონია 0.903

18 - სამხრეთ კორეა 0.901

19 - ისრაელი 0.899

20 - ლუქსემბურგი 0.898

კოკა კვირკველია