რეგისტრირებული ქორწინებების რაოდენობა 5.6 %-ით შემცირდა, განქორწინებათა რაოდენობა კი, 7.2 %-ით გაიზარდა
2017 წელს რეგისტრირებული ქორწინებების რაოდენობა წინა წელთან შედარებით 5.6 %-ით შემცირდა.
საქსტატის მონაცემებით, 23 684 ქორწინებიდან თბილისში დაფიქსირდა - 6 984; აჭარში - 2 548; გურიაში - 647; იმერეთში - 3 850; კახეთში - 1 744; მცხეთა-მთიანეთში - 475; რაჭა-ლეჩხუსა და ქვემო სვანეთში - 211; სამეგრელო-ზემო სვანეთში - 2 101; სამცხე-ჯავახეთში - 993; ქვემო ქართლში 2 617 და შიდა ქართლში 1 514.
აღსანიშნავია, რომ რაოდენობა არ მოიცავს იმ ქორწინებებს, როდესაც ორივე პირი უცხო ქვეყნის მოქალაქეა.
ასევე სტატისტიკური მონაცემებით, 2017 წელს პირველი ქორწინების საშუალო ასაკი ქალებისთვის 27.4, ხოლო მამაკაცებისთვის 30.2 წელი იყო.
საქსტატის მაჩვენებლებით, 2017 წელს რეგისტრირებულ განქორწინებათა რაოდენობამ 10 222 შეადგინა და წინა წლის ანალოგიურ მაჩვენებელთან შედარებით 7.2 %-ით გაიზარდა.