საქართველოს გავლით სომხეთში 17 მაისს შეწყვეტილი ბუნებრივი გაზის ტრანზიტი უკვე აღდგა.
საქართველოს გაზის ტრანსპორტირების კომპანიის მიერ გავრცელებული ინფორმაციით, დაასრულდა დარიალის ხეობაში მეწყერის შედეგად დაზიანებული ჩრდილოეთი-სამხრეთის 1200მმ-იანი მაგისტრალური გაზსადენის აღდგენითი სამუშაოები. "შესაბამისად, აღდგენილია ბუნებრივი გაზის ტრანზიტი რუსეთიდან სომხეთის რესპუბლიკაში", - აცხადებენ კომპანიაში.
მათივე განმარტებით, საქართველოს გაზმომარაგებას, სომხეთში ბუნებრივი გაზის ტრანზიტის შეწყვეტის პერიოდში, პრობლემები არ შექმნია.