ტურიზმის ეროვნული ადმინისტრაცია National Geographic-თან ერთად მასშტაბურ კამპანიას იწყებს

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია საერთაშორისო პორტალზე -National Geographic - მასშტაბურ მარკეტინგულ კამპანიას იწყებს.

ტურიზმის ეროვნული ადმინისტრაციის ინფორმაციით, თანამშრომლობის დეტალები საზოგადოებას ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ და National Geographic-ის ცენტრალური ოფისის ვიცე-პრეზიდენტმა ანაბელ კანველმა გააცნეს. კონფერენციას ესწრებოდა სამოგზაურო პარტნიორობის დეპარტამენტის დირექტორი ნიტუ კამბოჯი.

ტურიზმის ეროვნული ადმინისტრაციის ცნობით, National Geographic-ზე ახალი მარკეტინგული კამპანიის მიზანია საქართველოს ზაფხულისა და შემოდგომის ტურისტული სეზონის პოპულარიზაცია და ქვეყნის ტურისტული პოტენციალის წარმოჩენა. ინტერნეტ კამპანია 14 მაისიდან 14 ოქტომბრამდე გაგრძელდება და მისი ჯამური ღირებულება 250 000 ევროს შეადგენს. ინტერნეტ კამპანია ევროპისა და ახლო აღმოსავლეთის ქვეყნებს მოიცავს და სავარაუდო შთაბეჭდილებების (Impressions) რაოდენობა 4,541,183 იქნება.

„კამპანიის ფარგლებში, ინფორმაცია ფოტო და ვიდეო მასალით National Geographic-ის მთავარ ვებ-გვერდზე განთავსდება. მასალა სპეციალური გზამკვლევის Georgia Travel Guide საშუალებით გავრცელდება. კამპანიის ფარგლებში, სპეციალური ონლაინ ბანერები Nationalgeographic.com-ის History-ის, Adventure-ის და Travel-ის სექციებში განთავსება, ხოლო პოსტები National Geographic-ის Facebook გვერდზე. გარდა ამისა ვიდეოს გაშვების წინ საქართველოს რეკლამა pre roll-ის სახით განთავსდება. National Geographic აუდიტორია შემდეგნაირად არის გადანაწილებული:

• Facebook -NAT GEO TRAVEL4.6M+გამომწერი

• Facebook - NAT GEO ADVENTURE 9.3M+გამომწერი

• 56 მილიონი ონლაინ და ბეჭდური გამოცემის მკითხველი“, - აღნიშნულია ტურიზმის ეროვნული ადმინისტრაციის მიერ გავრცელებულ ინფორმაციაში.