მაისის თვეში პარლამენტის პლენარული სხდომების გაცდენისთვის დეპუტატებს ხელფასი დაექვითებათ.
გამცდენი დეპუტატების სიაში ექვსი კანონმდებელი მოხვდა. პარლამენტის რეგლამენტის მიხედვით, დეპუტატებს - გიორგი გაჩეჩილაძეს, გოგი თოფაძეს, ვიქტორ ჯაფარიძეს და დავით საგანელიძეს ხელფასები ერთი გაცდენისთვის დაექვითებათ, ხოლო მეორე გაცდენა საპატიოდ ჩაეთვლებათ. რაც შეეხება რამაზ ნიკოლაიშვილს, ხელფასი ოთხი გაცდენისთვის, ხოლო მარიამ საჯაიას - სამი გაცდენისთვის დაექვითება.
პარლამენტის თავმჯდომარის თქმით, დეპუტატების პლენარულ სხდომაზე დასწრების საკითხი აქტიურად გაკონტროლდება.