თამბაქოს იმპორტი 25.4 მლნ დოლარით გაიზარდა

საქართველოში სიგარეტის იმპორტი თითქმის გაორმაგდა.კერძოდ, სტატისტიკის ეროვნული სამსახურის მონაცემებით, 2018 წლის იანვარ-მაისში სიგარები, სიგარილები და სიგარეტები თამბაქოს ან მისი შემცვლელებისაგან ტოპ-10 უმსხვილეს საიმპორტო სასაქონლო ჯგუფს შორის იყო და მისმა იმპორტმა 50.9 მლნ დოლარი შეადგინა.

აღსანიშნავია, რომ გასული წლის ანალოგიურ პერიოდთან შედარებით, ამ სასაქონლო ჯგუფის იმპორტი 25.4 მლნ დოლარით არის გაზრდილი. კერძოდ, 2017 წლის იანვარ-მაისში თამბაქოს იმპორტის 25.5 მლნ დოლარი იყო.

შეგახსენებთ, რომ „საგადასახადო კოდექსში“ შესული ცვლილებებით, 2017 წლის 1-ლი იანვრიდან ერთ კოლოფ თამბაქოზე აქციზური გადასახადი 60 თეთრით გაიზარდა.