Zara VS H&M - რატომ იზრდება Zara-ს გაყიდვები და მცირდება H&M-ს?
„დიდი განსხვავება Zara-სა და H&M-ს შორის არის პასუხი იმისა, თუ რატომ იზრდება ერთი კომპანია მუდმივად, ხოლო მეორეს შემოსავლები დღითიდრე მცირდება“ - ამ სათაურით აქვეყნებს მასალას გამოცემა businesinsider-ი და მკვითხველს სთავაზობს ანალიზს, თუ რატომ ხდება ასე.გამოცემის ინფორმაციით, Zara-ს აქვს უნიკალური სტრატეგია კონკურენცია გაუწიოს ახალ ე.წ. fast-fashion ონლაინ მოთამაშეებს, როგორებიცაა ASOS და Boohoo, რომლებიც ორიენტირებულნი არიან ძალიან სწრაფად დანერგონ საკუთარ პროდუქციაში მოდელები და ტენდენციები, რომლებიც სულ ცოტა ხნის წინ ცნობილი ბრენდების მიერ პოდიუმზე იყო წარმოდგენილი. ეს კი ნიშნავს მომხმარებელს მისცე ძალიან დიდი არჩევანი უამრავ ახალ პროდუქციას შორის პრაქტიკულად ყოველდღიურად და ამ გზით გაუწიო კონკურენცია ცნობილ ბრენდებს.
როგორც გამოცემა წერს, სოციალურმა მედიამ შექმნა თაობა, რომელიც „დამოკიდებულია“ სიახლეზე. „მათ უდნათ ახალი და მათ უნდათ ეს ახლავე“, - აცხადებს მოდის სფეროს ერთ-ერთი ექსპერტი გამოცემასთან ინტერვიუში.
მასალში ვკითხულობთ, რომ Zara-მ ამ სტრატეგიას კარგად აუწყო ფეხი და მისი მაღაზია კვირიდან კვირამდე ახალი კოლექციით ახლდება. როგორც ჩანს, ეს მუშაობს კიდეც - მისმა მშობელმა კომპანია Inditex-მა 2017 წელს შემოსავლების 7%-იან ზრდაზე გამოაცხადა და ზრდის ტემპი ნარჩუნდება მიმდინარე წელსაც.
ამასობაში კი რა ხდება მის უმთავრეს კონკურენტ H&M-ში? ის ბოლო თვეების განმავლობაში იბრძვის, მაგრამ მისმა პირველმა კვარტალურმა შემოსავალმა 2018-ში 62%-ით იკლო, მეორე კვარტალში კი მდგომარეობა არ გაუმჯობესებულა.
როგორც გამოცემასთან მოდის კრიტიკოსი აცხადებს, სიახლის მყისიერი დანერგვა Zara-ში ვიზუალურად შესამჩნევი ხდება ყველა მიმართულებით, კომპანია ხშირად ცვლის მის ვიტრინებზე მანეკენებს და ამასთან, კარგად მუშაობს საიტზეც, სადაც საიტის ვიზიტორს სთავაზობს სხვადასხვა სახის საინფორმაციო კოლაჟებს, რომელიც მყიდველს უღვიძებს მათი შეძენის სურვილს და მაღაზიაში სწრაფად ვიზიტის სურვილს. მისივე განცხადებით, როცა Zara აცხადებს ფასდაკლებას, მას მაღაზიაში არ შეაქვს დიდი რაოდენობით ახალი მოდელები და როცა შეაქვს ახალი მოდელები, მათზე დიდ ფასდაკლებას არ აცხდებს.
H&M ამ მიდგომის მსხვერპლია. ერთ დროს fast-fashion-ის მეფედ გამოცხადებული კომპანიის გაყიდვები დიდი წნეხის ქვეშაა ონლაინ მოთამაშეების მხრდიან. შედეგად კი კომპანიას შეექმნა ინვენტარიზაციის კრიზისი, რომლის გაუყიდავი ტანსაცმლის მოცულობამ 4 მილიარდ დოლარს გადააჭარბა. მათ შორის არის როგორც ჩამოფასებული, ასევე სრულიად ახალი პროდუქცია.
კოკა კვირკველია