ყველაზე მეტ თანხას ტურისტები საქართველოში საკვებსა და სასმელში ხარჯავენ

2018 წლის მე-2 კვარტალში ტურისტების მიერ განხორციელებული ვიზიტებისას გაწეული ხარჯები 1.9 მილიარდ ლარს გაუტოლდა, რაც 31.5 პროცენტით აღემატება წინა წლის ანალოგიურ მაჩვენებელს.

ვიზიტზე საშუალო ხარჯი კი წინა წელთან შედარებით 15.5 პროცენტით გაიზარდა და 1,144.1 ლარი შეადგინა.

„საქსტატის“ მიერ გამოქვეყნებული მონაცემების მიხედვით, ყველაზე მეტ ფულს ვიზიტორები საკვებსა და სასმელში ხარჯავენ. კერძოდ, მიმდინარე წლის მე-2 კვარტლის მონაცემებით, საკვებსა და სასმელზე საშუალო ხარჯმა ვიზიტზე 308.6  ლარი შეადგინა. მეორე ადგილს, 252.6  ლარით განთავსება იკავებს, 210.9  ლარით კი მესამე ადგილზე გართობაა.

რაც შეეხება სხვა ხარჯებს, სტატისტიკური მონაცემებით საყიდლებზე გაწეული ხარჯი - 177.4  ლარი; ადგილობრივ ტრანსპორტზე - 77.3  ლარი, ხანგრძლივ მოხმარების საგნებზე - 89.1  ლარი, ძვირფას ნივთებზე 3.6  ლარი; ყველა სხვა ხარჯი კი 24.6  ლარია.