25 აგვისტოს, ახალქალაქი-კარწახის გზაზე მისაბმელიანი ტრანსპორტის მოძრაობა დროებით შეიზღუდება
ახალქალაქი-კარწახის გზაზე მისაბმელიანი ტრანსპორტის მოძრაობა 25 აგვისტოს დროებით შეიზღუდება.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის ახალქალაქი-კარწახი (თურქეთის რესპუბლიკის საზღვარი) საავტომობილო გზის 1 კმ-ზე, კონტრაქტორი ორგანიზაციის მიერ დაგეგმილია გზის სავალ ნაწილზე ასფალტ-ბეტონის საფარის მოწყობის სამუშაოების ჩატარება. რის გამოც, 2018 წლის 25 აგვისტოს 04:00 სთ-დან 07:00 საათამდე, გზის აღნიშნულ მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.
როგორც დეპარტამენტში აცხადებენ, დანარჩენი სახის ავტოტრანსპორტის მოძრაობა თავისუფალია.