აშშ-ს სახელმწიფო დეპარტამენტი - ევროკავშირის გადაწყვეტილება ირანისთვის 20,7 მლნ დოლარის გამოყოფის შესახებ არასწორ დროს არასწორ სიგნალს აგზავნის
ევროკავშირის გადაწყვეტილება ირანისთვის 20,7 მილიონი დოლარის გამოყოფის შესახებ „არასწორ დროს არასწორ სიგნალს აგზავნის“, ევროკავშირი და აშშ რიგით ირანელებს უნდა დაეხმარონ.
ამის შესახებ აშშ-ს სახელმწიფო დეპარტამენტის განცხადებაშია ნათქვამი.
„23 აგვისტოს, ევროპის კავშირმა ირანსა და ევროპას შორის „ეკონომიკური და სექტორული ურთიერთობების გაფართოებისთვის“ 20,7 მილიონი დოლარის გამოყოფის შესახებ გამოაცხადა, რაც არასწორ დროს არასწორ სიგნალს აგზავნის“, - ნათქვამია განცხადებაში.
ვაშინგტონის მტკიცებით, გამოყოფილი სახსრები ირანის მოსახლეობის დახმარების ნაცვლად ტერორისტული საქმიანობისთვის იქნება გამოყენებული.