ორთვიანი ვადა კომპანიებს - ბიზნესს რეესტრში საქმიანობის პროფილის მითითება მოუწევს
კომპანიები, რომლებსაც ეკონომიკურ საქმიანობათა რეესტრში საქმიანობის პროფილი არ ექნებათ მითითებული, დაჯარიმდებიან.
ამის შესახებ რადიო „პალიტრას“ გადაცემაში „საქმე“ შრომის უსაფრთხოების ინსპექციის ხელმძღვანელმა ბექა ფერაძემ განაცხადა.
მისივე თქმით, სანქცირების მექანიზმი 1-ლი ოქტომბრიდან ამოქმედდება.
„მინდა, თქვენი ეთერითაც მოვუწოდო ბიზნესს, რომ ეკონომიკურ საქმიანობათა რეესტრში საკუთარი კომპანიების პროფილი დაარეგისტრირონ. ამისთვის მათ 1-ლი აგვისტოდან მიეცათ ორ თვიანი ვადა, რა პერიოდშიც ყველა კომპანიამ უნდა მიუთითოთ რეესტრში საქმიანობის პროფილი. წინააღმდეგ შემთხვევაში 1-ლი ოქტომბრიდან მათი დაჯარიმება მოხდება. რაც შეეხება სანქციის ოდენობას, ჯარიმა - 1000 ლარს შეადგენს,“-აღნიშნა ფერაძემ.