ევროკავშირმა ყირიმიდან ევროკავშირის ქვეყნებში პროდუქციის იმპორტი აკრძალა

ევროკავშირის საგარეო საქმეთა მინისტრებმა გადაწყვიტეს, ყირიმიდან ევროკავშირის ქვეყნებში პროდუქციის იმპორტი აიკრძალოს.

"რია ნოვოსტის" ინფორმაციით, ამის შესახებ ლიტვის საგარეო საქმეთა მინისტრმა, ლინას ლინკევიჩუსმა განაცხადა.

"ჯერ საუბარია იმპორტზე. ჩვენ მივიღეთ პრინციპული პოზიცია: ეს შეეხება პროდუქციის იმპორტს ყირიმის ტერიტორიიდან ევროკავშირში", - განაცხადა ლინკევიჩუსმა.

ამასთან, როგორც ლიტვის საგარეო საქმეთა მინისტრმა აღნიშნა, ამ ქმედებას სხვა ღონისძიებებიც მოჰყვება და ეს იქნება ევროკავშირის პოლიტიკის დაფიქსირება, რუსეთის მიერ ყირიმის მიერთების მიუღებლობასთან დაკავშირებით.