ლაგოდეხში 3400 ღერი არადეკლარირებული სიგარეტი აღმოაჩინეს
ლაგოდეხში 3400 ღერი არადეკლარირებული სიგარეტი აღმოაჩინეს.ფინანსთა სამინისტროს შემოსავლების სამსახურის ინფორმაციით, 19 ოქტომბერს, საბაჟო გამშვებ პუნქტში „ლაგოდეხი“, საქართველოს ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქეს ა.ა-ს, 3400 ღერი, არადეკლარირებული სიგარეტი, ფიზიკური დათვალიერებისას აღმოუჩინეს.
მათივე ცნობით, საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეს, სანქციის სახით, ჩამოერთვა საქონელი და ფულადი ჯარიმა, ათასი ლარის ოდენობით შეეფარდა.