სახლი, რომლის შეძენისას საჩუქრად Lambo-ს და Rolls Royce-ს მიიღებთ
თუ თქვენ ეძებთ უძრავ ქონებას და მასში რამდენიმე მილიონის გადახდას გეგმავთ, მაშინ ეს შემოთავაზება ნამდვილად კარგი ვარიანტია.
საქმე იმაშია, რომ ამ მდიდრული პენტჰაუსის ყიდვის შემთხვევაში, თქვენ საჩუქრად მიიღებთ ორ ძვირადღირებულ ავტომობილს - Lamborghini Aventador-ს და Rolls Royce Cullinan-ს.
ეს არის ფეშენებელური პენტჰაუსი, რომელიც მაიამისთან ახლოს, ჩრდილოეთით, ქალაქ სანი აილს ბიჩში მდიდრული საცხოვრებლის 47-ე სართულზე მდებარეობს და ღირს არც მეტი არც ნაკლები 38 მილიონი დოლარი. ამ პენტჰაუსს საკუთარი სახელიც კი აქვს და მას Palazzo Del Cielo ქვია, თუმცა ეს ამ შემთხვევაში მეორეხარისხოვანია. აქ საინტერესოა ის ფაქტი, რომ ბინის შეძენისას თქვენ საჩუქრად მიიღებთ ორ ძვირადღირებულ ავტომობილსაც, რომელთა საერთო ღირებულება 800 ათას დოლარს აღწევს.
რაც შეეხება თავად სახლს, ეს არის ულტრამდიდრული აპარტამენტები ატლანტიკის ოკეანეზე ხედით, სახლი სრულიად ელექტრონიზებული და ჭკვიანია, მას საკუთარი შუშის საცურაო აუზიც აქვს.
კოკა კვირკველია