„თურქეთის ავიახაზები“ თბილისსა და ანკარას შორის ავიარეისების შესრულებას იწყებს
„თურქეთის ავიახაზები“ თბილისსა და ანკარას შორის ავიარეისების შესრულებას იწყებს.
კომპანიის ინფორმაციით, ამ ეტაპზე „თურქეთის ავიახაზები“ თბილისის მიმართულებით კვირაში 30, ხოლო ბათუმის მიმართულებით კვირაში 7 რეისს ასრულებს სტამბოლიდან.
მათი ცნობით, ანკარა-თბილისის რეისების შესრულება 2019 წლის 18 იანვარს დაიწყება. დაგეგმილია კვირაში 2 რეისის შესრულება, ორშაბათსა და პარასკევს.
აღსანიშნავია, რომ ბილეთების შეძენა უკვე შესაძლებელია როგორც „თურქეთის ავიახაზების“ გაყიდვების ოფისებში, ასევე ონლაინ გაყიდვების არხებით.