წითელ ხიდზე არადეკლარირებული ოქროს ნაკეთობები აღმოაჩინეს

წითელ ხიდზე არადეკლარირებული ოქროს ნაკეთობები აღმოაჩინეს.

როგორც ფინანსთა სამინისტროს შემოსავლების სამსახურიდან იუწყებიან, საბაჟო გამშვებ პუნქტში „წითელი ხიდი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქეების ზ.რ.-სა და ი.რ.-ს, ფიზიკური და კუთვნილი ბარგების დათვალიერების შედეგად, ჯამში, 11 804.56 ლარის ღირებულების არადეკლარირებული ოქროს ნაკეთობები (საერთო წონა 171.29 გრამი) გამოავლინეს.

საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეებს სანქციის სახით ფულადი ჯარიმა, საერთო ჯამში, 11 804.56 ლარის ოდენობით შეეფარდათ.