ამერიკული სანქციების შედეგად ირანული ნავთობის ექსპორტი ბოლო სამი წლის მინიმუმზეა

2018 წელს ირანული ნავთობის იმპორტი აზიის ოთხი მთავარი მყიდველის მხრიდან ბოლო სამი წლის მინიმუმამდე შემცირდა. ამის მთავარი მიზეზი კი ირანის მიმართ დაკისრებული სანქციებია.

ირანული ნავთობის უმსხვილესი შემსყიდველები აზიაში არიან - ინდოეთი, ჩინეთი, იაპონია და სამხრეთ კორეა. ამ ქვეყნებმა გასულ წელს ჯამში 1,31 მილიონი ბარელი ნავთობი მიიღეს დღიურად, რაც წინა წელთან შედარებით 21%-იანი კლებაა. ბოლოს მილიონ ბარელი დღე-ღამეში ამ ქვეყნებმა 2015 წელს მიიღეს, მაშინ როცა აშშ-ის წინა სანქციები ამოქმედდა ირანზე.

როგორც ცნობილია, ირანის წინააღმდეგ ამერიკის ახალი სანქციები გასული წლის ნოემბერში შევიდა ძალაში. შედეგად კი ყველაზე მეტი კლება დეკემბერში დაფიქსირდა, რა დროსაც აზიის წამყვანმა იმპორტიორებმა - ინდოეთმა და ჩინეთმა შეწყვიტეს ირანული ნავთობის მიღება.

კოკა კვირკველია