როგორია საქართველოს ეკონომიკური კლიმატი 2019 წლის პირველ კვარტალში - PMCG-ის კვლევა
„PMCG რისერჩ სენტერის“ მიერ ჩატარებული კვლევის მიხედვით, 2019 წლის პირველ კვარტალში საქართველოს ეკონომიკური კლიმატი ოდნავ გაუმჯობესდა. ამავე პერიოდში, ქართველი ეკონომისტები ამჟამინდელ ეკონომიკურ სიტუაციას დადებითად აფასებენ.
ამასთან, როგორც კვლევაშია აღნიშნული, 2018 წლის პირველ კვარტალთან შედარებით, ეკონომიკის მდგომარეობა გაუარესებულია, 2018 წლის მეოთხე კვარტალთან შედარებით კი გაუმჯობესებული.
გარდა ამისა, ექსპერტები მოელიან, რომ მომდევნო ექვს თვეში, წლიური გადაანგარიშებით, ინფლაციის მაჩვენებელი 4.0 პროცენტს მიაღწევს. მათივე შეფასებით, 2024 წლამდე პერიოდში ინფლაციის მოსალოდნელი დონე 5.1 პროცენტის ფარგლებში იქნება.