ფინანსთა მინისტრის, ნოდარ ხადურის განცხადებით, ექსპერტებთან შეხვედრაზე ღია საუბარი შედგა და მათი მოსაზრებები გაიზიარა.
როგორც ნოდარ ხადურმა ჟურნალისტებს მრჩეველთა საბჭოს წევრებთან შეხვედრის შემდეგ განუცხადა, ექსპერტებმა მიიღეს ინფორმაცია, რომ ივნისში დღგ-ს გადამხდელი საწარმოების ბრუნვა იყო 11%-ით გაზრდილი შარშანდელთან შესაბამის პერიოდთან შედარებით.
"ექსპერტებმა ასევე მიიღეს ინფორმაცია, რომ საგადასახადო შემოსავლების გეგმა ექვსი თვის განმავლობაში არის 103%-ით შესრულებული ბიუჯეტის შესაბამის პროგნოზებთან შედარებით. ძალიან მნიშვნელოვანია ის, რომ ზრდა არის ეკონომიკის რეალურ სექტორში. დაახლოებით 28%-იანი ზრდა არის მშენებლობაში, ზრდა არის სოფლის მეუნეობაში, მრეწველობაში. ეს მაჩვენებლები ერთად გავაანალიზეთ და აღინიშნა, რომ ეს მაჩვენებლები ძალიან იმედის მომცემია და ქვეყანა გააგრძელებს აღმავლობას", - განაცხადა ფინანსთა მინისტრმა.