ქუთაისის აეროპორტში მგზავრთნაკადი 111%-ით გაიზარდა
თებერვალში ქუთაისის აეროპორტში მგზავრთნაკადი 111%-ით გაიზარდა.
ამის შესახებ ინფორმაციას თავად ქუთაისის დავით აღმაშენებლის სახელობის საერთაშორისო აეროპორტი ავრცელებს. კერძოდ, 2019 წლის თებერვალში აეროპორტი 47 573 მგზავრს მოემსახურა, რაც წინა წლის ანალოგიურ პერიოდთან შედარებით 111%-ით მეტია. ამასთან, ზრდა დაფიქსირდა შესრულებული რეისების კუთხითაც. კერძოდ, 2019 წლის თებერვალში დავით აღმაშენებლის სახელობის აეროპორტში 157 რეისი შესრულდა, რაც გასული წლის ანალოგიურ პერიოდზე 91%-ით მეტია.