ვაშლის ღვინოს წარმოება შესაძლოა, აქციზის გადასახადისგან გათავისუფლდეს
ვაშლის სიდრი ანუ დაბალალკოჰოლური ვაშლის ღვინოს წარმოება შესაძლოა, აქციზის გადასახადისგან გათავისუფლდეს.
ამის შესახებ საკანონმდებლო წინადადება პარლამენტში უკვე წარდგენილია.
როგორც წინადადებაშია აღნიშნული, ამ ეტაპზე - ვაშლის სიდრზე, პერსა და თაფლის სასმელზე აქციზი ლიტრზე 2.5 ლარია; მაშინ როცა იგივე იმპორტირებული პროდუქტი იბეგრება 2.5 ლარზე ნაკლები თანხით - 0.5 ევრო ლიტრზე.
ამასთან, როგორც საკანონმდებლო წინადადებაშია აღნიშნული, ვაშლის მწარმოებელ უმეტეს ქვეყნებში ვაშლის სიდრის წარმოება აქციზის გადასახადისგან გათავისუფლებულია. შესაბამისად, ინიციატივის მიზანი აღნიშნულ სახელმწიფოთა პრაქტიკის გაზიარებაა.
