ამერიკული საინვესტიციო ჰოლდინგი "კონტი ჯგუფი" საქართველოში წარმომადგენლობით ოფისს ხსნის.
როგორც პრემიერ-მინისტრის პრესსამსახურში აცხადებენ, გადაწყვეტილება ამის შესახებ საინვესტიციო ჰოლდინგის პრეზიდენტმა, კურტ კონტიმ დღეს საქართველოს პრემიერ-მინისტრს გააცნო.
შეხვედრაზე ამერიკული ჰოლდინგის ხელმძღვანელობამ გამოხატა სურვილი, განახორციელოს ინვესტიციები სხვადასხვა სფეროში.
უკვე გადაწყვეტილია, რომ "კონტი ჯგუფი" თბილისში ამერიკულ საავადმყოფოს ააშენებს, სადაც ის 100 მილიონი დოლარის ინვესტიციის ჩადებას გეგმავს.