შემოსავლების სამსახურის თანამშრომლებმა საბაჟო გამშვებ პუნქტ "სარფის" ტერიტორიაზე დიდი რაოდენობით არადეკლარირებული თანხის შემოტანის მცდელობა გამოავლინეს.
შემოსავლების სამსახურის ინფორმაციით, 24 ივლისს თურქეთის რესპუბლიკის მხრიდან შემოსული საქართველოს მოქალაქე რ. ხ.-ის კუთვნილი ავტომანქანის დათვალიერებისას 104 000 აშშ დოლარი და 60 000 ევრო აღმოაჩინეს.
საგადასახადო კოდექსის 289-ე მუხლის მე-13 ნაწილის თანახმად, პირს სანქციის სახით შეეფარდა ფულადი ჯარიმა 3000 ლარის ოდენობით.