როგორ გამოიყურება 7 ოთახიანი პენტჰაუსი  ვაკეში, რომელიც 4 მლნ ლარზე მეტი ღირს  (+ფოტო)

თბილისში, ვაკეში იყიდება ბინა, რომლის ღირებულებაც 4 718 000 ლარია.

როგორც SS.ge-ზე გამოქვეყნებულ განცხადებაშია აღნიშნული, იყიდება ან ქირავდება, ახალაშენებულ, ელიტურ სახლში პენტჰაუსი, რომელიც 5-6 სართულზეა. დუპლექსი უცხოვრებელია და ორი ინდივიდუალური შესასვლელი აქვს.

განცხადების მიხედვით, ბინის საერთო ფართობი 500 კვ. მეტრია. ბინას აქვს - 2 სამზარეულო, 2 მისაღები ოთახი, ვარდისფერი გრანიტის ბუხარი, 4 საძინებელი, 3 სველი წერტილი, სამრეცხაო ოთახი, გარდერობი, ერთი მასტერ აბანო (თურქული აბანო, შარკო ტროპიკული წვიმით, რადიოფიცირებული) 1 აბანო ჯაკუზით, 2 დიდი ვერანდა, სპა აუზი, რომელიც 6 ადამიანზეა გათვლილი, ასევე ბარბექიუს მოწყობილობა, Otis-ის ლიფტი, იტალიური დიზაინერული Tre Plu-ს ფირმის კარები, AEG-ს საყოფაცხოვრებო ტექნიკა, BOSCH -ს კონდენციონერი ყველა ოთახში, 3 დიდი და 4 ფრანგული აივანი და 2 მანქანის სადგომი მიწისქვეშა ფარეხში.

ბინა აღჭურვილია კამერებით, სადარბაზოს ჰყავს დამლაგებელი, კონსიერჟი და 24 საათიანი დაცვა. ბინის გაქირვების ფასი 7500 დოლარია.