ბათუმის პორტში შემოტანილი გაყინული ქათმის ბარკალი გაფუჭებული აღმოჩნდა.
სსიპ შემოსავლების სამსახურის ინფორმაციით, ბათუმის პორტის საბაჟო გამშვებ პუნქტზე უკრაინიდან 39213 კგ. გაყინული ქათმის ბარკლით დატვირთული 2 ავტომანქანა შემოვიდა.
შემოსავლების სამსახურის საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს ვეტერინარის მიერ განხორციელებული ფიზიკური შემოწმებისას აღმოჩნდა, რომ საქონლის გადაზიდვისას ტემპერატურული რეჟიმი დარღვეულია.
საქართველოს მთავრობის #429 დადგენილების თანახმად, ვადაგასული გაყინული ტვირთი განადგურებას ექვემდებარება.