კარტოფილისა და სტაფილოს ფასები საქართველოში 12%-ით გაიზარდა
რეგიონის ბევრ ქვეყანაში კარტოფილისა და სტაფილოს ღირებულება გაიზარდა.
ამის შესახებ East fruit-ის ბაზრის მიმოხილვაშია აღნიშული.
რაც შეეხება კონკრეტულად საქართველოს, აქ ფასების საკმაოდ ნეგატიური დინამიკა შეიმჩნეოდა. როგორც ექსპერტები აღნიშნავენ, ბაზარზე ფასების გაზრდის მიზეზი ხარისხიანი პროდუქტის შემცირება და სეზონის დასრულება იყო.
რუსეთსა და უკრაინაში ფასები 7%-მდე გაიზარდა და 1 კგ პროდუქციის ღირებულებამ 30 ცენტი შეადგინა. საქართველოში კი, გასულ კვირას, აღნიშნული პროდუქტების ღირებულება 12%-მდე გაიზარდა და 1კგ 67 ცენტი გახდა. ამასთან, ფასები მცირედით გაიზარდა მოლდოვასა და პოლონეთშიც.
