თბილისის მეტროპოლიტენის ინფორმაციით, ელექტროენერგიის გათიშვის მიუხედავად, მეტროსადგურები ჩვეულ რეჟიმში მუშაობენ
თბილისის მეტროპოლიტენის პრესსამსახურის ინფორმაციით, ელექტროენერგიის გათიშვის მიუხედავად, მეტროპოლიტენის მოძრაობა არ შეზღუდულა და მეტროსადგურები ჩვეულ რეჟიმში მუშაობენ.
„იყო ძაბვის ვარდნა, თუმცა ამას არ უმოქმედია მეტროს მუშაობაზე და მატარებლები ჩვეულებრივად გადაადგილდებიან“, - განუცხადეს „ინტერპრესნიუსს“ თბილისის მეტროპოლიტენში.
შეგახსენებთ, რომ „თელასის“ ინფორმაციით, მათ არცერთ ქვესადგურს ელექტროენერგია არ მიეწოდება. მათივე ცნობით, სავარაუდოდ სისტემური გათიშვა მოხდა.