Nike-მა აამოქმედა აპლიკაცია,  რომელიც თქვენი ფეხსაცმლის ზომას ზუსტად განსაზღვრავს

კომპანია Nike-ის ონლაინ მაღაზიაში გაჩნდა ახალი აპლიკაცია Fit, რომელიც სმარტფონის კამერის საშუალებით თქვენი ფეხის ზომას ზუსტად განსაზღვრავს. ამის შესახებ პორტალი HypeBeast წერს.

აპლიკაცია დამატებითი რეალობის ტექნოლოგიაზეა დაფუძნებული. მომხმარებელი შედის კომპანიის ონლაინ-მაღაზიაში, ირჩევს მისთვის სასურველ მოდელს და აჭერს ღილაკს Fit. ამის შემდეგ ის უნდა დადგეს იატაკის ფერთან კონტრასტული ფერის წინდებში და ხელოვნური ინტელექტი მისი ფეხის ზუსტ ზომას გამოთვლის. ბრენდის საფირმო მაღაზიებში კი ამავე ფუნქციით სარგებლობა შესაძლებელი იქნება სპეციალური სკანერებიანი ხალიჩის საშუალებით.

კომპანია იმედს გამოთქვამს, რომ აღნიშნული აპლიკაცია მომხმარებლებს ზუსტი ზომის შერჩევაში დაეხმარება, ვინაიდან როგორც ისინი აცხადებენ, არასწორად შერჩეული ზომის გამო მომხმარებლები ხშირად უკმაყოფილებას გამოთქვამენ.