რუსეთი საკუთარი საჰაერო სივრცის გავლით საქართველოში, აზერბაიჯანში, სომხეთსა და თურქეთში უკრაინული ავიაკომპანიების ტრანზიტულ რეისებს კრძალავს.
რუსული სააგენტოების ცნობით, ამის შესახებ ქვეყნის პრემიერ-მინისტრმა დიმიტრი მედვედევმა განაცხადა.
"რუსეთი კრძალავს უკრაინული ავიაკომპანიების ტრანზიტულ რეისებს რუსეთის საჰაერო სივრცის გავლით საქართველოში, აზერბაიჯანში, სომხეთსა და თურქეთში", - აღნიშნა დიმიტრი მედვედევმა მთავრობის სხდომაზე.
რუსეთის პრემიერ-მინისტრმა ისიც განაცხადა, რომ რუსეთმა სრული აკრძალვა დააწესა ევროკავშირიდან, აშშ-დან, ავსტრალიიდან, კანადიდან და ნორვეგიიდან საქონლის, ღორისა და ფრინველის ხორცის, თევზის, ყველისა და რძის პროდუქტების, ბოსტნეულის შეტანაზე. აკრძალვა არ ეხება საბავშვო კვების პროდუქტებს.