მამუკა ხაზარაძემ და ბადრი ჯაფარიძემ „თიბისის“ აქციების ნაწილი 20 მლნ დოლარად გაასხვისეს
მამუკა ხაზარაძემ და ბადრი ჯაფარიძემ „თიბისის“ აქციების ნაწილი 20 მლნ დოლარად გაასხვისეს.
ამის შესახებ განცხადება აქციონერებისთვის ლონდონის საფონდო ბირჟაზე გამოქვეყნდა.
კერძოდ, გარიგების შედეგად, „თიბისი ბანკის ჯგუფის“ აქციების 1.81% დროებით გასხვისდა კვიპროსში რეგისტრირებულ Renaissance Securities-ზე. აქციათა წილს კი ჯგუფის თავმჯდომარე და მისი მოადგილე 2021 წლის 28 ივნისს გამოისყიდიან.
შეგახსენებთ, რომ აქციათა დროებით გასხვისების შესახებ, ინფორმაცია მიმდინარე წლის 26 ივნისს გავრცელდა. ხაზარიძე და ჯაფარიძე ჯამში, აქციათა 8%-ის გასხვისებას გეგმავენ.
აქციათა 1.81%-ის ნაწილის დროებითი გასხვისების შედეგად, ხაზარაძე აქციათა 11.89%-ის, ხოლო ჯაფარიძე - 6.37%-ის მფლობელები არიან.
ცნობისთვის, აქციათა ნაწილის გასხვისებამდე ბანკის ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%–ს ან მეტს, წილების მითითებით ასე გამოიყურებოდა: მამუკა ხაზარაძე - 13.37%; ბადრი ჯაფარიძე - 6.68%; European Bank for Reconstruction and Development - 8.08%; JPMorgan Asset Management - 6.49%; Schroder Investment Management - 7.18% და Dunross & Co. - 5.94%.
