ავჭალაში, მიხაკო წერეთლის ქუჩაზე გზის საფარის მოწყობა მიმდინარეობს

ავჭალაში, მიხაკო წერეთლის ქუჩაზე გზის საფარის მოწყობის სამუშაოები მიმდინარეობს. როგორც „ინტერპრესნიუსს“ თბილისის მერიიდან აცნობეს, სამუშაოების ფარგლებში, გრუნტის გზის ნაცვლად, დაახლოებით 1 425 კვ. მ. ფართობზე კაპიტალურად ეწყობა ასფალტის საფარი.

სამუშაოებისთვის, რომელსაც ტენდერში გამარჯვებული შპს „L & L“ ახორციელებს, გლდანის რაიონის გამგეობის ბიუჯეტიდან 76 243 ლარია გათვალისწინებული.

პროექტის მიმდინარეობას გლდანის რაიონის გამგებელი ბექა მიქაუტაძე პარლამენტისა და საკრებულოს მაჟორიტარ დეპუტატებთან, კობა კობალაძესთან და შალვა ოგბაიძესთან ერთად გაეცნო.

გლდანის რაიონში გზის რეაბილიტაცია კიდევ რამდენიმე მისამართზე ხორციელდება. სამუშაოები ტიხონოვისა და მარჯანიშვილის ქუჩებზე, ასევე, ჯანჯღავას I შესახვევში, რეზო გაბაშვილის N7-14-ში და მუხიანი 2-ში, ჟვანიას ქუჩაზე მიმდინარეობს.