ივანე მაჭავარიანი - ტურისტული ბაზარი ერთმანეთით არ ნაცვლდება, არამედ ერთმანეთს ემატება
ჩვენ ყველა ეროვნების ტურისტი უნდა გვყავდეს, არ გვაქვს ფუფუნება იმისა, არ გვინდოდეს რუსი და გვინდოდეს გერმანელი - ჩვენ უნდა გვყავდეს ირანელიც, რუსიც, გერმანელიც და აზერბაიჯანელი ტურისტი, - ამის შესახებ ფინანსთა მინისტრმა ივანე მაჭავარიანმა განაცხადა.
მისი თქმით, ტურისტული ბაზარი ერთმანეთით არ ნაცვლდება, არამედ ერთმანეთს ემატება.
“იმედს ვიტოვებ, რომ ეს პროცესი ალაგდება. იმედს ვიტოვებ, რომ ფრენებიც აღდგება და გავალთ ჩვენს სრულ პოტენციალზე, იქნება ეს ტურიზმი თუ ექსპორტი, რაც გვაქვს. ჩვენ უნდა გვქონდეს ისიც და ესეც - უნდა გვყავდეს ყველა ეროვნების ტურისტი. არ გვაქვს იმის ფუფუნება, რომ არ გვინდოდეს რუსი და გვინდოდეს გერმანელი. ჩვენ უნდა გვყავდეს ირანელიც, რუსიც, გერმანელიც და აზერბაიჯანელიც, ტურისტული ბაზარი ერთმანეთით არ ნაცვლდება, არამედ ერთმანეთს ემატება“, - აღნიშნა ფინანსთა მინისტრმა.
როგორც მან აღნიშნა, ქვეყნისთვის მნიშვნელოვანია ყველა ბაზრის შენარჩუნება.
“იგივე არის ღვინოზეც და სხვა პროდუქტზეც - რაც მეტი გავა სხვადასხვა ქვეყანაში, მათ შორის რუსეთში - მეტი გავა სხვაგანაც. ჩვენთვის მნიშვნელოვანია ბიზნესს შევუნარჩუნოთ მომგებიანობა და შესაბამისად, ეს ბაზრები შევუნარჩუნოთ“, - განაცხადა ფინანსთა მინისტრმა ივანე მაჭავარიანმა„იმედის“ ეთერში.
ინფორმაციას ფინანსთა სამინისტრო ავრცელებს.