ირლანდიისა და Apple-ის 14 მლრდ ევროთი დაჯარიმების საკითხზე ევროსასამართლოში განხილვები დაიწყო
Apple-სა და ირლანდიის რესპუბლიკის 14 მილიარდი ევროს ოდენობით დაჯარიმების საქმეზე ევროკავშირის სასამართლოში მოსმენა დაიწყო. ამის შესახებ ინფორმაციას BBC ავრცელებს.
ევროკავშირის სასამართლო ტექნოლოგიურ გიგანტ Apple-სა და ირლანდიის რესპუბლიკას 2016 წელს დაწესებული ჯარიმის გადახდას სთხოვს, რის გამოც სასამართლომ მოსმენები განაახლა. აღსანიშნავია, რომ მხარეები ბრალდებას უსაფუძვლოს უწოდებენ და ევროკავშირს უსამართლო გადაწყვეტილების მიღებაში სდებენ ბრალს.
2016 წელს 3-წლიანი გამოძიების შედეგად ევროკომისიამ გამოაქვეყნა დასკვნა, რომლის მიხედვითაც ირალნდიის მთავრობამ 1991-2004 წლებში Apple-ს გარკვეული საგადასახადო შეღავათები დაუწესა. ევროკავშირის კანონმდებლობის მიხედვით, კი წევრს სახელმწიფოებს არ აქვთ უფლება რომელიმე კომპანიას დამატებითი შეღავათები გაუკეთონ, რადგან ამით ბაზარზე არაკონკურენტუნარიანი გარემო იქმნება.
აღსანიშნავია, რომ ირლანდია ჯარიმის გადახდას არ აპირებს, რადგან ბრალდებას უსაფუძვლოდ თვლის. ამასთანავე, ოფიციალურ დუბლინს არ სურს ბიზნესისათვის უსაფრთხო და სტაბილური ქვეყნის იმიჯი შეელახოს და საერთაშორისო კომპანიებმა ირლანდიის რესპუბლიკაში ბიზნესის დაწყება აღარ მოისურვონ.
