„საქართველოს ფოსტა“ მათი სახელით ინტერნეტსივრცეში სხვადასხვა გათამაშების შესახებ გავრცელებულ ცრუ ინფორმაციასთან დაკავშირებით მოქალაქეებს აფრთხილებს

ინტერნეტსივრცეში „საქართველოს ფოსტის“ სახელით სხვადასხვა გათამაშების შესახებ ცრუ ინფორმაცია ვრცელდება, - ამის შესახებ „ინტერპრესნიუსს“ „საქართველოს ფოსტიდან“ აცნობეს.

„აღნიშნული ფაქტი გახლავთ სიცრუე, რომელიც თაღლითური გზით თანხის გამოძალვასა და მოქალაქეთა შეცდომაში შეყვანას ემსახურება. გთხოვთ, ერიდოთ მსგავსი ტიპის ბმულებებს, რათა თაღლითობის მსხვერპლი არ გახდეთ“, - ნათქვამია ინფორმაციში.

„საქართველოს ფოსტა“ საზოგადოებას მოუწოდებს, არ გადავიდნენ უცხო პირების მიერ გამოგზავნილ ბმულებზე და არ გახსნან უცხო პირების მიერ გამოგზავნილი ფაილები.

„ნებისმიერი მსგავსი შეტყობინების მიღებისას, მისი ავთენტურობა საქართველოს ფოსტის გვერდზე - gpost.ge გადაამოწმონ“, - აღნიშნავენ „საქართველოს ფოსტაში“.