ეკონომიკის მინისტრის მოადგილის განმარტებით, ბუნებრივი გაზის ტარიფი არ შეიცვლება
მე ვერ დაგიდასტურებთ, რომ გაზის ფასის ზრდა არის გარდაუვალი, - ამის შესახებ ეკონომიკის მინისტრის მოადგილემ დავით თვალაბეიშვილმა ჟურნალისტებთან საუბრისას განაცხადა. მისივე თქმით, არსებობს რესურსი იმისთვის, რომ გაზის ფასი არ შეიცვალოს.
„პირიქით, ჩემი ინფორმაციით, ფასი არანაირად არ შეიცვლება და გვაქვს იმის რესურსი, რომ ფასი დარჩეს იგივე. ჩვენ, ვფიქრობთ, სუბსიდირების გარეშეც შევძლებთ გაზის ფასი დარჩეს იგივე. ის, რომ გაზის ფასი აუცილებლად გაიზრდება, ეს არასწორი ინფორმაციაა,“- განაცხადა დავით თვალაბეიშვილმა.